بقلم / عادل الظنط
في كلام منتشر مش عارف صحته من عدمه ان رمضان صبحي اشترى سيارة ماركة تيسلا موديل Cypertruck
عربية مش بتتباع في مصر من الاساس وبعد الجمارك بتكسر الـ20 مليون جنيه .. بعيد بقا عن صحة القصة من عدمها
دي رسالة حابب أوجها للشباب الساذج الكحيان اللي بيشتموا بعض وبيسبوا اديان لبعض وبيركبوا ذنوب لبعض عشان كورة ولاعيبة
الناس اللي انت لسانك وإيدك خلوك تشتم وتهين وتسب الملة لشخص تاني عشانهم او حتى شتمتهم هما .. مليونيرات وعايشين احسن عيشة
وإنت على جانب اخر متكحرت وبتحفرك كل يوم عشان ربنا يوسع رزقك ودخلك يزيد وتعرف تعيش وبتجري ورا احلامك على قدم وساق
انا والله في مرة شوفت مناقشة بين اتنين في احد البوستات عشان زيزو والشحات الاتنين سبوا الدين لبعض لك ان تتخيل !
في النهاية الاتنين مليونيرات وعايشين 24 قيراط بيتمرنوا وبيلعبوا كورة وبياخدوا ملايين الملايين
رمضان صبحي كان في ناس معندهاش مشكلة تشتري تذكرة بـ100 او اكتر عشان ترمي عليه جنيهات وتشتمه
وهو اساساً هيروح بيته بسيارته الفارهة وهيسيبك انت تتشحط في المواصلات عشان تروح بيتك من الاستاد بما تبقى معاك من مال بعد ما دفعت نصه عشان تدخل تشتمه
اللي عاوز اقوله؟
انتم مديين الكورة اكبر من حجمها والله العظيم .. بتتعاملوا مع الاندية كأنها عقائد دينية وبتتعاملوا مع اللاعبين كأنهم انبياء
الكورة ابسط بكتير يا شباب والله ♥️
اترك تعليقك اذا كان لديك رساله بخصوص هذا الموضوع